სამარხო კექსი ბლოგემრიელისგან!

ინგრედიენტები:

ვაშლი - 6 ცალი ( ან ნებისმიერი ხილი )

შაქარი - 2 ჩ/ჭ

ზეთი - 1 ჩ/ჭ

ქიშმიში - 1 ჩ/ჭ

დაჭრილი ნიგოზი - 1ჩ/ჭ

ფქვილი - 5 ჩ/ჭ

სოდა-ძმრით - 1 ჩ/კ

მარილი - 1/4 ჩ/კ

ვანილი - 1 პაკეტი

მომზადების წესი : კანგაცლილ, გახეხილ ვაშლს დავამატოთ შაქარი, გავაჩეროთ ერთი-ორი საათით, შემდეგ დავუმატოთ ზეთი, სოდა-ძმრით, ვანილი, მარილი. ფქვილი და
კარგად ავურიოთ ხის კოვზით ერთგვაროვან მასის მიღებამდე. ბოლოს დავუმატოთ ქიშმიში და ნიგოზი. კოვზით ჩავასხათ ტარტალეტკის ( ან ნებისმიერ კექსის ფორმაში, რომელიც გაქვთ) ზეთწასმულ ფორმებში და გამოვაცხოთ 180 გრადუსზე 25 წუთით. ცივს მოვაყაროთ შაქრის პუდრა.

გემრიელად მიირთვით!