„რაფაელო“ ბლოგემრიელისგან

ინგრედიენტები:

შედედებული რძე  („სგუშონი“) - ერთი ქილა

ქოქოსის ფანტელი - 300 გრ.

გამდნარი კარაქი - 50 გრ.

ვანილი - 1 პაკეტი

ნუში - 200 გრ.


მომზადების წესი: გავადნოთ კარაქი და შიგ ჩავასხათ შედედებული რძე. ვურიოთ მანამ, სანამ ერთგვაროვან მასას არ მივიღებთ. შემდეგ ჩავამატოთ ქოქოსის ფანტელი და ვანილი. მიღებული მასა გადავიტანოთ პატარა ჯამში და შევდგათ მაცივარში ერთი საათით.
ერთი საათის შემდეგ, გამოვიღოთ მაცივრიდან, მივცეთ ბურთების ფორმა და შუაში ჩავუდოთ ნუში, კარგად მოვამრგვალოთ და ამოვავლოთ ქოქოსის ფანტელში. შეგვიძლია ეს ბურთები ჩავდოთ სპეციალურ ქაღალდის ფორმებში.

გემრიელად მიირთვით!

კალმარის სალათი ბლოგემრიელისგან

ინგრედიენტები:

კალმარი  - 2-3 ცალი

კრაბის ჩხირები  - 200 გრ

კიტრი - 1-2 ცალი

მოხარშული კვერცხი -3 ცალი

მაიონეზი  გემოვნებით

მარილი და შავი პილპილი გემოვნებით


მომზადების წესი: კალმარები გავასუფთავოთ და ჩავყაროთ მდუღარე მარილწყალში, გადმოვდგათ ცეცხლიდან. დავაფაროთ თავსახური და დავტოვოთ 10 წუთი. ამოვიღოთ და დავწიწკნოთ ან დავჭრად წვრილად.
კრაბის ჩხირები წვრილად დავჭრათ სიგრძეზე, ასევე წვრილ, მოგრძო ნაჭრებად დავჭრათ კვერცხი და კიტრი..ყველაფერი ავურიოთ და მოვასხათ მაიონეზი. შეგვიძლია დავამატოთ ცოცხალი მწვანილიც. მარილი და  შავი პილპილი გემოვნებით.შეგვიძლია, თეფშზე დავდოთ სალათის ფოთლები და ზედ გადავიტანოთ სალათი

გემრიელად მიირთვით!

გამომცხვარი ბროკოლი ბლოგემრიელისგან

ინგრედიენტები:

ბროკოლი - 1კგ.

ნაღები - 200 გრ.

 პურის კუბები - 300 გრ.

მდოგვი - 2 ს/კ

მკვრივი სორტის ყველი - 100 გრ.

ხახვი - 1 თავი

 კარაქი - 50 გრ.

მარილი გემოვნებით

წითელი პილპილი გემოვნებით

მომზადების წესი:  ცხელ ტაფაზე დავდოთ კარაქი. როცა გადნება, დავყაროთ წვრილად დაჭრილი ხახვი, მოვთუშოთ და დავამატოთ ერთი სუფრის კოვზი მდოგვი, შემდეგ პურის კუბები და ვურიოთ სანამ ოქროსფერს არ მიიღებს. ამის შემდეგ გადმოვდგამთ ცეცხლიდან.

ქვაბში ავადუღოთ წყალი, დავუმატოთ მარილი ზომიერად,   ჩავყაროთ დანაწევრებული ბროკოლი და მოვწალოთ (გავთუთქოთ). ამოვიღოთ და დავყროთ საწურზე, როცა დაიწრიტება, გადავიღოთ ჯამში და მოვასხათ ერთი სუფრის კოვზი მდოგვი, ნაღები და კარგად ავურიოთ. დავამატოთ მარილი და წითელი პილპილი გემოვნებით.

ავიღოთ ცეცხლგამძლე ჭურჭელი, წავუსვათ კარაქი და გადავიტანოთ ჯამში მომზადებული ბროკოლი, ლამაზად გადავანაწილოთ, თავზე მოვაყროთ გახეხილი მკვრივი სორტის ყველი (სასურველია, პარმაზანი), შემდეგ კი ტაფაზე მომზადებული მასა. შევდგათ ჰაერღუმელში და გამოვაცხოთ 15 წუთით 180 გრადუსზე.

გემრიელად მიირთვით!

კუპატი ბლოგემრიელისგან

ინგრედიენტები:

ძროხის ფარში - 2 კგ.

ღორის ხორცი - 3 კგ.

ღორის ქონი - 200 გრ.

ბულიონი - 300 გრ.

საშუალო ზომის ხახვი - 3-4 ცალი

ნიორი - 6 კბილი

ღორის ნაწლავები რამდენიც დაგვჭირდება

კოწახურის ან ბროწეულის მარცვლები გემოვნებით

ხმელი ქინძი, უცხო სუნელი,ხმელი ქონდარი და დაფქული წითელი პილპილი გემოვნებით

მარილი გემოვნებით

მომზადების წესი: ღორისა და ძროხის ფარში შევურიოთ ერთმანეთს და დავამატოთ: ქონი, ბულიონი, ხორცსაკეპში გატარებული ხახვი, დაჭყლეტილი ნიორი, კოწახურის ან ბროწეულის მარცვლები, ხმელი ქინძი, უცხო სუნელი, ხმელი ქონდარი და წითელი პილპილი.

კარგად გარეცხილ ნაწლავებს კუპატის მასალით გამოვტენით სპეციალური აპარატით (თუ აპარატი არ გვაქვს ნაწლავებში ჩავამაგრებთ ძაბრს, მივამაგრებთ ხორცსაკეპს და გავტენით კარგად).

შევსებულ კუპატს თავს და ბოლოს შევუკრავთ მაგარი ძაფით. კუპატის სიგრძე თქვენი სურვილით შეარჩიეთ.

გამზადებული კუპატები ამოვავლოთ მდუღარე წყალში და დავკიდოთ. როცა გაშრება, შეგვიძლია შევწვათ და მივირთვათ.

გემრიელად მიირთვით!

საქონლის ტვინი არაჟნით ბლოგემრიელისგან

ინგრედიენტები:

ტვინი - 500 გრ.

კარაქი - 70 გრ.

ხახვი - 3-4 ცალი

არაჟანი - 50 გრ.

კვერცხი - 3 ცალი

ქინძი - 5 ღერი

ოხრახუში - 5 ღერი

კამა - 2 ღერი

შავი პილპილი და მარილი გემოვნებით

მომზადების წესი: საქონლის ტვინი გავავლოთ მდუღარე წყალში, გავასუფთავოთ კანისგან, გავრეცხოთ ცივ წყალში და დავჭრათ საშუალო ზომის ნაჭრებად, მოვაყაროთ მარილი, შავი პილპილი და მოვხრაკოთ კარაქში. როცა შეწითლდება დავუმატოთ ცალკე კარაქში მოშუშული, წვრილად დაჭრილი ხახვი, მწვანილები და 2-3 წუთით დავტოვოთ ცეცხლზე. შემდეგ ამ მასას გადავიტანთ ცეცხლგამძლე ჭურჭელზე ( მე კეცზე გადამაქვს ხშირად) და ზემოდან მოვასხამთ არაჟანში ათქვეფილ კვერცხს. შევდგამთ ჰაერღუმელში, როცა მზად იქნება გამოვიღებთ და სუფრაზე მიტანის წინ თავზე მოვასხამთ გამდნარ კარაქს.

გემრიელად მიირთვით!

შემწვარი კალმახი შამპანურის სოუსით (ექსკლუზივი)

ინგრედიენტები:


კალმახი - 1 ცალი

შამპანური- 150 გრ.

არაჟანი -1 ს/კ

ხახვი - 1 ცალი საშუალო ზომის

ნიორი - 2 კბილი

ოხრახუში - 2 ღერი

ზეთი -100 გრ.

მარილი  და შავი პილპილი გემოვნებით


მომზადების წესი: გასუფთავებული და მარილმოყრილი კალმახი შევწვათ ტაფაზე ან ჰაერღუმელში. შემწვარი კალმახი დავდოთ თეფშზე, რომლითაც სუფრაზე უნდა მივიტანოთ. თეფში, შეგვიძლია, გავაფორმოთ.
სოუსი მოვამზადოთ შემდეგნაირად: წვრილად დაჭრილი ხახვი მოვთუშოთ ცხიმში, დავუმატოთ არაჟანი, გატარებული ნიორი, ოხრახუში, მარილი, შავი პილპილი და შამპანური.
შეგვიძლია, სოუსი მოვასხათ შემწვარ კალმახს ან ცალკე მივიტანოთ სუფრაზე სასოუსეთი.

გემრიელად მიიირთვით!

ქათმის სალათი სიმინდით ბლოგემრიელისგან

ინგრედიენტები:

ქათმის მკერდის ფილე - 400 გრ.

სიმინდის მარცვლები - 300 გრ.

სალათის ფურცლები - 10 ცალი

კიტრი - 2 ცალი

მარილი და შავი პილპილი - ბლოგემოვნებით :)

მაიონეზი - 200 გრ.

მომზადების წესი: მოხარშული ქათმის ფილე დავჭრათ პატარა კუბებად ან ხელით დავაქუცმაცოთ. შევურიოთ სიმინდის მარცვლები და ხელით დახეული სალათის ფურცლები. შემდეგ დავუმატებთ კიტრს.

ყურადღება! კიტრის მომზადების წესი: სალათის კეთების დაწყებამდე 10 წუთით ადრე გავთალოთ კიტრი, დავჭრათ წვრილ კუბებად და მოვაყაროთ მარილი ზომიერად. 10 წუთის შემდეგ, სალათში შერევამდე კუბები კარგად გავწუროთ.
ეს მნიშვნელოვანია, წინააღმდეგ შემთხვევაში ახალი დაჭრილი კიტრი წყალს გაუშვებს და სალათი წვნიანი გამოვა.

მიღებულ მასას დავამატოთ მაიონეზი, შავი პილპილი და მარილი. კარგად ავურიოთ და სუფრაზე მიტანამდე კარგად გავაციოთ მაცივარში.

გემრიელად მიირთვით!

შემწვარი ყველის რეცეპტი ბლოგემრიელისგან

ინგრედიენტები:

ზომიერად მარილიანი ყველი -300 გრ

კვერცხი - ერთი ცალი

პურის ფქვილი - 150 გრ

საფანელი - 150 გრ

კარაქი - 100 გრ

მომზადების წესი: ზომიერად მარილიანი ყველი დავჭრათ ნახევარი სანტიმეტრი სისქის,
ერთნაირი ზომის ნაჭრებად, ამოვავლოთ პურის ფქვილში, შემდეგ ათქვეფილ კვერცხში, შემდეგ საფანელში და შევწვათ კარაქში, შეგიძლიათ მიირთვათ მაკარონთან ერთად.

გემრიელად მიირთვით!

ყველიანი ნამცხვარი ბლოგემრიელის რეცეპტით

ინგრედიენტები:

მარგარინი - 250გრ

არაჟანი - 2ს/კ

მაიონეზი - 2ს/კ

გერკულესი -100გრ

გახეხილი სტაფილო - 150გრ

გახეხილი ყველი - 50 გრ

შაქარი - ნახევარი ჩ/ჭ

მარილი -1ჩ/კ

სოდა - ნახევარი ჩ/კ

მომზადების წესი: ყველის გარდა ჩამოთვლილ ყველა ინგრედიენტს ავურევთ ერთმანეთში კარგად, გავაბრტყელებთ და თუ ფორმები გვაქვს თუ არადა ჭიქითაც შეგვიძლია გამოვჭრათ ფიგურები, ზემოდან მოვაყრით გახეხილ ყველს და  და ვათავსებთ საცხობ თუნუქის ცივ ფირფიტაზე. ვაცხობთ ჰაერღუმელში 180 გრადუსზე 25 წუთის განმავლობაში.

გემრიელად მიიირთვით!

ქოქოსანი ბლოგემრიელის რეცეპტით

ინგრედიენტები:

მარგარინი - 250 გრ.

შაქარი - 200 გრ.

წყალი - 1 ჩ/ჭ

ფქვილი - 200-300 გრ.

ქოქოსის ფანტელი - 200 გრ.

საჭმელი სოდა - 1 ჩ/კ

ვანილი - დანის წვერით :)


მომზადების წესი: ვადნობთ მარგარინს და შიგ ვყრით შაქარს. ვთქვეფთ. ვამატებთ 1 ჩ/ჭ ცივ წყალს. ისევ ვთქვეფთ. შემდეგ ვამატებთ ქოქოსის ფანტელს, სოდას, ფქვილს და ვანილს. მიღებულ მასას ვამრგვალებთ ხელში ან ვდებთ რაიმე ფორმაში და ვათავსებთ საცხობ თუნუქის ცივ ფირფიტაზე. ვაცხობთ ჰაერღუმელში 180 გრადუსზე 20 წუთის განმავლობაში.

გემრიელად მიირთვით!